Si te prshtasim rripin me veshjen, per tu dukur femerore?
Rripi është kthyer në modë me të madhe, mu sikur të donte të përputhej me filozofinë e ‘shtrëngimit të rripit’ që mbretëron tani në botë. Këtë sezon, disenjatorët preferojnë femrën e cila ka një sensualitet të sofistikuar, ku në sy bie sidomos rripi i madh, i cili vihet lart, mbi bel.
Shtëpitë e modës "Chanel" dhe "Dior" e kanë nënshkruar këtë aksesor të modës në javët e fundit të shfaqjes së koleksioneve të tyre. Për pranverë paralajmërojnë gurë shkëlqyes në rripa të hollë, sikur ata nga koleksioni
“Lanvin”.
Porosia joshëse që bartë rripi është edhe më e theksuar nëse ai kombinohet me bluza të gjera e të mëdha, me pallto, ‘cardigan’ dhe fustane, me ç’rast vjen deri te theksimi më i madh i siluetës së femrave. Rripi është një aksesor unik i modës, meqë mund të kombinohet me shumëçka, mjafton që ta lini të lirë imagjinatën tuaj. Pamja e ashtuquajtur ‘casual’ e xhinseve dhe këmishës së hollë mund të plotësohet me rrip i cili bie lehtazi në ije, e për mbrëmje mund të përgatiteni ashtu që vishni pantallona të ngushtë në kontrast me tunikën e gjerë, e cila lidhet me rrip të gjerë.
Por, që të theksohet beli, me rëndësi është që pjesa e epërme apo e poshtme e gardërobës të jetë voluminoze, përndryshe rripi e humbë qëllimin e tij. Zgjedhja e materialit për rrip është e pafundme, duke filluar nga lëkura e deri te druri, kursedetajet në formë të kristaleve spo tokëzës unike mundtë jenë zëvendësim i mirë për stoli. Për një përshtypje unike blini rripin që ka pamjen e qaforeve unike - "statement". Sido që të jetë, pamarrë parasysh se për çfarë varianti të rripit të përcaktoheni, me rëndësi është feminiliteti i personit që e bartë.
Fabiola Hoxha